ပအိုဝ်းတိုင်းရင်းသားတို့သည် မိမိတို့၏ ထူးခြားသည့် သမိုင်းအစဉ်အလာကို အကြောင်းပြု၍ (ဒဲဉ်သီးလာဗွေ) တပေါင်းလပြည့်နေ့ ရောက်တိုင်း ပအိုဝ်းအမျုိုးသားနေ့ကို နှစ်စဉ်မပျက် ကျင်းပလျက်ရှိသည်။ ဤတွင် ပအိုဝ်းအမျိုးသားနေ့နှင့်ပတ်သက် ဖော်ပြရသော် ပအိုဝ်းတိုင်းရင်းသားတို့ သည် ကျေးဇူးတရားသိရှိမှု၊ ကျေးဇူးတရားကို နားလည်သဘောပေါက်မှုစသော ဗုဒ္စဘာသာ၏ အဆုံးအမကို လေးစားယုံကြည်စွာ နှလုံးသွင်းကြသူများဖြစ်ကြသည်။ အမျိုးသားနေ့သည် မိမိတို့လူမျိုး ဘိုးဘွားမျိုးနွယ် များ၏ကျေးဇူးတရားကို သိမှုမှ စတင်ခဲ့သည်ဟုဆိုနိူင်၏။
လွန်ခဲ့သောနှစ်ပေါင်း ၂၅၀၀ ကျော်၊ မဟာသက္ကရာဇ်(၃)နှစ် တပေါင်းလပြည့်၊ စနေနေ့၊ လ၀င်နေထွက်၊ လရောင်နေရောင် ထွန်းပြောင်ထိန်လင်းရောယှက်သော အချိန်တွင် မင်းတစ်ပါးဖွားမြင်ခဲ့သည်။ ထိုမင်းသည် လ၀င်နေထွက်အချိန်တွင် မွေးဖွားသဖြင့် သူရိယစန္ဒာ ဟုခေါ်သည်။ သူရိယစန္ဒာမင်းသည် ပအိုဝ်းတိုင်းရင်းသားတို့၏ ဂုဏ်သိက္ခာကို မြှင့်တင်ပေးခဲ့သည်။ ပအိုဝ်းတိုင်းရင်းသား တို့၏ တောက်ပသော ခေတ်ကာလကို ဖန်တီးပေးခဲ့၏၊ သထုံမြို့ရှိ လေးဆူဓာတ်ပုံ ရွှေစာရံစေတီတော်ကို တည်ခဲ့သည့် သာသနာ့ဒါယကာမင်းမြတ်ဖြစ်၏။ ဤကျေးဇူးတရားများကို အောက်မေ့သောအားဖြင့် ပအိုဝ်းတိုင်းရင်းသားတို့၏ ဂုဏ်ရောင်ကို ထွန်းပြောင်စေခဲ့သော သူရိယစန္ဒာမင်း၏မွေးနေ့ဖြစ်သည့် တပေါင်းလပြည့်နေ့ကို ပအိုဝ်းအမျိုးသားနေ့ (ဒဲဉ်သီးလာဗွေ)အဖြစ်သတ်မှတ်ကြခြင်း ဖြစ်သည်။
(ပြည်ထောင်စုထဲက ပအိုဝ်း)မှ ကူးယူဖော်ပြထားသည်၊
0 comments:
New comments are not allowed.